கேரள அமைச்சர் மணியின் ‘திமிரான’ பேச்சு – போராடும் பெண்கள் வலுக்கட்டாயமாக அகற்றம்!

கேரள அமைச்சர் மணியின் 'திமிரான' பேச்சு -  போராடும் பெண்கள் வலுக்கட்டாயமாக அகற்றம்!

கேரள அமைச்சர் மணியின் ‘திமிரான’ பேச்சு – போராடும் பெண்கள் வலுக்கட்டாயமாக அகற்றம்!

மூணாறு, கேரள அமைச்சர் எம்.எம்.மணிக்கு எதிராக மூணாறில் போராட்டம் நடத்திய பெண்களின் உடல்நிலை பாதிக்கப்பட்டது; அவர்களை போலீசார் அப்புறப்படுத்தி மருத்துவமனைக்கு கொண்டு சென்றனர்.

கடந்த 2015ல் போனஸ், சம்பளம் கேட்டு மூணாறு தேயிலைத் தோட்ட பெண் தொழிலாளர்கள் போராடினர். சமீபத்தில் நடந்த பொதுக் கூட்டத்தில் இவர்களை, மின்துறை அமைச்சர் எம்.எம்.மணி இழிவாக பேசினார்.

‘பதவியை ராஜினாமா செய்து, பகிரங்கமாக மன்னிப்பு கேட்க வேண்டும்’ என வலியுறுத்தி மூணாறில் பெண்கள் உரிமை அமைப்பு பொதுச் செயலர் ராஜேஸ்வரி, துணைத் தலைவர் கவுசல்யா, தேவிகுளம் ஊராட்சி ஒன்றிய உறுப்பினர் கோமதி ஆகியோர் ஏப்., 25 முதல் உண்ணாவிரதம் இருந்தனர். இவர்களுக்கு காங்.,– பா.ஜ., உட்பட கட்சிகள், அமைப்புகள் ஆதரவு தெரிவித்தன. நேற்று, போராட்டத்தில் ஈடுபட்ட பெண்களின் உடல் நிலையை டாக்டர் ஜினு பரிசோதித்தார். அதில், மூன்று பேரின் உடல் நிலை பாதிக்கப்பட்டிருந்தது. மருத்துவமனையில் சிகிச்சை பெற டாக்டர் அறிவுறுத்தினார்.

அதற்கு கோமதி, கவுசல்யா உடன்படாத நிலையில், ராஜேஸ்வரி தயாரானார்; அவரை அடிமாலி மருத்துவமனைக்கு கொண்டு சென்றனர். மதியம் 2:௦௦ மணிக்கு கோமதி, கவுசல்யா உடல் நிலை தளர்ந்தது. மருத்துவமனைக்கு கொண்டு செல்லும் நடவடிக்கையில் போலீசார் இறங்கினர்; அதற்கு இருவரும் எதிர்ப்பு தெரிவித்தனர். நுாறுக்கும் மேற்பட்ட போலீசார் பந்தலுக்குள் நுழைந்து, இருவரையும் துாக்க முயன்றனர். அங்கிருந்த கேரள காங்., பொது செயலர் லதிகாசுபாஷ், அரசியல் குழு உறுப்பினர் ஷானிமோள் உஷ்மான், ஆம் ஆத்மி ஒருங்கிணைப்பாளர் நீலகண்டன் உள்ளிட்டோர் போலீசாரை எதிர்த்தனர். ஆனால், இருவரையும் அடிமாலி மருத்துவமனைக்கு போலீசார் கொண்டு சென்றனர்.

அங்கு கவுசல்யா சிகிச்சைக்கு ஒத்துழைத்தார்; மாலை ௬:௦௦ மணி வரை, கோமதி சிகிச்சை பெற மறுத்துவிட்டார். மூவரும் மருத்துவமனையில் உள்ளதால், பெண்கள் உரிமை அமைப்பு பொருளாளர் ஸ்ரீலதா உண்ணாவிரதத்தை துவக்கினார். இதற்கிடையே இரவு ௮:௦௦ மணிக்கு, மூவரும் போராட்ட பந்தலுக்கு திரும்பி உண்ணாவிரதத்தை தொடர்ந்தனர்.

Related Post / தொடர்பு கட்டுரைகள் :

தமிழ் பெண்களை இழிவாக பேசிய கேரளா அமைச்சர் மன்னிப்ப... தமிழ் பெண்களை இழிவாக பேசிய கேரளா அமைச்சர் மன்னிப்பு கோர வேண்டும் - பெண்கள் ஒற்றுமை அமைப்பு கேரள மூணாறு தேயிலை தோட்டத்தில் 3,500க்கும் அதிகமாக வேலை ச...
கேரளாவில் சோழர் கால சாசன கல்வெட்டு கண்டுபிடிப்பு!... கேரளாவில் சோழர் கால சாசன கல்வெட்டு கண்டுபிடிப்பு! தமிழக எல்லையை ஒட்டிய கேரள மாநிலத்தின் இடுக்கி மாவட்டத்தில் 11-ஆம் நூற்றாண்டைச் சேர்ந்த சோழப் பேரரச...
விவசாயிகளின் கோரிக்கைகள் மீது அரசுகள் நடவடிக்கை எட... விவசாயிகளின் கோரிக்கைகள் மீது அரசுகள் நடவடிக்கை எடுக்க வலியுறுத்தும் முழு அடைப்புக்கு உலகத் தமிழர் பேரவை ஒத்துழைப்பு நல்கும்! மனித குலத்தின் அடிப்பட...
தமிழ் மாணவி கவிதையால் அதிர்ந்த ஓபாமாவின் மனைவி!... தமிழ் மாணவி கவிதையால் அதிர்ந்த ஓபாமாவின் மனைவி! அமெரிக்க வெள்ளை மாளிகையில் நடந்த நிகழ்ச்சியின்போது தாய் மொழியான தமிழை மறந்துவிட்டு ஆங்கிலத்தை மாற்...
Tags: 
%d bloggers like this: