தமிழறிஞர், வரலாற்று ஆய்வாளர் வி.கனகசபை பிள்ளை!

தமிழறிஞர், வரலாற்று ஆய்வாளர் வி.கனகசபை பிள்ளை!

தமிழறிஞர், வரலாற்று ஆய்வாளர் வி.கனகசபை பிள்ளை!

வி. கனகசபை (வி. கனகசபைப் பிள்ளை, மே 25, 1855 – பிப்ரவரி 21, 1906) ஒரு தமிழறிஞர். ஆங்கில மொழியிலும் சிறப்பான அறிவு பெற்றிருந்த அவர் தமிழ், தமிழ் இலக்கியம், தமிழர் வரலாறு ஆகியவற்றை ஆராய்ந்து அவை தொடர்பில் ஆங்கிலத்தில் பல கட்டுரைகளையும் நூல்களையும் எழுதியுள்ளார். கனகசபைப் பிள்ளை அறிமுகப்படுத்திய ”கஜபாகு காலம் காட்டி” முறைமை வரலாற்றாய்வாளரால் சங்ககால தமிழக வேந்தர்களின் ஆட்சி ஆண்டுகளை வரிசைப்படுத்த பரிந்துரைக்கப்பட்ட ஆய்வுமுறை ஆகும். இவர் ஆங்கிலத்தில் எழுதிய ஆயிரத்து எண்ணூறு ஆண்டுகளுக்கு முற்பட்ட தமிழர் (The Tamils 1800 Years Ago) என்னும் நூல் புகழ் பெற்றது.


ஒன்றுபட்ட உலகத் தமிழினத்தை உருவாக்க, இன்றே உலகத்மிழர் பேரவை – யுடன் இணைவீர்.  இணைய இங்கு அழுத்தவும்


இளமைக்காலம் :

இவரது தந்தையார் இலங்கையின் வடபகுதியில் யாழ்ப்பாணத்தில், மல்லாகம் என்னும் ஊரைச் சேர்ந்த விசுவநாதபிள்ளை என்ற தமிழ் தொண்டர் ஆவார். தந்தை விசுவநாதபிள்ளை அக்காலத்தில் சென்னை கோமளேசுவரன் பேட்டையில் தங்கியிருந்து வின்சுலோ தொகுத்த ஆங்கிலத் தமிழ் அகராதிப் பணிக்கு உதவி புரிந்தவர். கனகசபை கோமளேசுவரன் பேட்டையில் பிறந்து வளர்ந்தார். மிகவும் இளம் வயதிலேயே சென்னைப் பல்கலைக்கழகத்தில் இளங்கலைப் பட்டம் பெற்றார். இதனால் இவர் boy graduate என செல்லமாக அழைக்கப்பட்டார். அப்பல்கலைக்கழகத்திலேயே, சிறிது காலம் தமிழ் மொழி பெயர்ப்பாளராக பணிபுரிந்தார். பிறகு, அஞ்சல் துறையில் கண்காணிப்பாளராக சேர்ந்து பணிபுரிந்து, உயர் அதிகாரி ஆனார். சட்டப் படிப்பும் முடித்து மதுரையில் வழக்கறிஞராகத் தொழில் பார்த்தார்.

அஞ்சலகத் துறையில் பணியாற்றிய போது, பல்வேறு ஊர்களுக்கு மாற்றல் பெற்றார். எந்த ஊருக்குச் சென்றாலும், அப்பகுதிகளில் காணப்படும், பழந்தமிழ் ஓலைச் சுவடிகளைச் சேகரித்து வைத்திருந்ததுடன், அவற்றைப் படித்து ஆய்வுகளும் செய்து வந்தார். தமிழிலும், ஆங்கிலத்திலும் புலமை கொண்ட கனகசபைப் பிள்ளை முதலில் சிலப்பதிகாரம், மணிமேகலை போன்றை காப்பியங்களை ஆராயந்தார். அவ்வாய்வுகளைக் கட்டுரைகளாக 1895 முதல் 1901 வரை ஆங்கில, தமிழ்ப் பத்திரிக்கைகளில் தொடர்ந்து எழுதினார். இதனால் தமிழர் வரலாறு, தமிழ் இலக்கியம் போன்ற துறைகளில், அவருக்கு ஆழ்ந்த அறிவு மேலோங்கி இருந்தது. ஓலைச் சுவடிகளைத் தொகுக்கவும், ஏட்டுச் சுவடியைத் தாளில் எடுத்தெழுதவும், தன்னுடன் உதவியாளர் ஒருவரை வைத்துக் கொண்டார். ஆனால், அவர் எழுதிய நூல்கள் எதையும் பதிப்பிக்க விரும்பவில்லை. அவர் 20 ஆண்டுகள் தொகுத்து வைத்திருந்த பத்துப்பாட்டு, புறநானூறு, இன்னும் பிற ஏராளமான தமிழ் நூல்கள் அனைத்தையும், தமிழ்தாத்தா உ. வே. சாமிநாத அய்யருக்கு, அவ்வப்போது வழங்கினார்.

தமிழின் பெருமையைப் பிற மொழியினரும் அறிந்து கொள்ளும்படி தனது ஆய்வுகளைக் கட்டுரைகளாகவும் நூல்களாகவும் ஆங்கிலத்தில் எழுதினார். அவ்வாறு ஆங்கிலத்தில் மொழிபெயர்த்த நூல்களில் களவழி நாற்பது, கலிங்கத்துப் பரணி, விக்கிரம சோழன் உலா குறிப்பிடதக்கனவாகும். சென்னையில் இருந்து வெளிவந்த “மதராஸ் ரிவியூ” என்னும் ஆங்கில இதழொன்றில் தமிழர் வரலாறு பற்றி தொடர்ச்சியாக இவர் எழுதிய கட்டுரைகள் பின்னர் தொகுக்கப்பட்டு ஆயிரத்து எண்ணூறு ஆண்டுகளுக்கு முற்பட்ட தமிழர் (The Tamils 1800 Years Ago) என்னும் தலைப்பில் ஆங்கில நூலாக வெளிவந்தது. இதன் மூலம், தமிழ் வரலாறு குறித்து, முதன் முதலில் முறையான கால வரலாற்று ஆய்வை நிகழ்த்தியவர் என்ற பெருமையைக் கனகசபைப்பிள்ளை பெறுகிறார். கா. அப்பாத்துரையார் இந்நூலை ஆயிரத்து எண்ணூறு ஆண்டுகளுக்கு முற்பட்ட தமிழகம் என்னும் பெயரில் தமிழில் மொழிபெயர்ப்புச் செய்தார். பிற்காலத்தில், உ. வே. சாமிநாதையரின் பதிப்பு முயற்சிகளுக்கு உதவுவதற்காகத் தன்னிடம் இருந்த பழம் தமிழ் நூல் ஏடுகளைச் சாமிநாதையருக்குக் கொடுத்து உதவினார். கனகசபைப் பிள்ளை 1906 சிவராத்திரி நாளில் தனது 50வது அகவையில் காஞ்சிபுரத்தில் காலமானார்.

தமிழகத்தின் தலைசிறந்த தமிழறிஞர்களில் ஒருவரும் முதன்முதலாக முறையான கால வரலாற்று ஆய்வு நிகழ்த்திய ஆய்வாளர் என்ற பெருமை பெற்றவர் வி.கனகசபை பிள்ளை, அவரைப் பற்றிய அரிய முத்துக்கள் பத்து:

  1. சென்னை, கோமலீஸ்வரன் பேட்டையில் பிறந்தார் (1855). யாழ்ப்பாணத்தைச் சேர்ந்த இவரது தந்தை தமிழறிஞர். சென்னை அரசினர் கல்லூரியில் பி.ஏ. பட்டம் பெற்றார். பி.எல். முடித்து, மதுரையில் வழக்கறிஞராகப் பணியாற்றத் தொடங்கினார்.
  2. பின்னர் அஞ்சல் துறையில் எழுத்தராகச் சேர்ந்தார். பதவி உயர்வு பெற்று, கள்ளிக்கோட்டையில் அஞ்சலக மேற்பார்வையாளராக பணியாற்றினார். கடைசியாக சென்னைக்கு மாற்றலானார். தமிழ் – ஆங்கில அகராதி தயாரித்துக் கொண்டிருந்த வின்சுலோ என்பவருக்கு இவரது தந்தை செய்து வந்த ஆய்வு உதவிகளை, அவரது மறைவுக்குப் பின் இவர் மேற்கொண்டார்.
  3. தன் பணி நிமித்தமாக எந்த ஊர் சென்றாலும் அங்கு ஏட்டுச் சுவடிகளையும் கல்வெட்டுகளையும் படியெடுத்தார். இவ்வாறு தொடர்ந்து 20 ஆண்டு காலம் கடுமையாக உழைத்துத் தொகுத்த அத்தனை ஏடுகளையும் உ.வே.சாமிநாத ஐயருக்கு அவ்வப்போது வழங்கி வந்தார்.
  4. இலக்கியங்களை, வரலாற்றுச் செய்திகளைத் தரும் ஆவணங்களாகவே கருதி அவற்றின் அடிப்படையில் ஆய்வுகளைத் தொடங்கினார். இவரது கட்டுரைகள் தொகுக்கப்பட்டு, ‘Tamils 1800 years ago’ என்ற நூலாக வெளியிடப்பட்டது. இது பின்னர் தமிழில் மொழி பெயர்க்கப்பட்டது. சென்னை பல்கலைக்கழகத்தில் பாட நூலாகவும் இடம்பெற்றிருந்தது.
  5. இதில் தமிழ்நாட்டின் புவியியல், வெளிநாட்டினர் வணிகம், தமிழ் இனம், சோழர்கள், பாண்டியர்கள், சேரர்கள், சிற்றரசர்கள், சமூக நிலை, திருக்குறள், சிலப்பதிகாரக் கதை, மணிமேகலைக் கதை, தமிழ்க் காவியமும் ஆசிரியர்களும், ஆறுவகைத் தத்துவ முறைகள், மதம் ஆகிய தலைப்புகள் இடம்பெற்றிருந்தன. சீனாவுக்கும் தமிழ்நாட்டுக்கும் இடையேயான பண்பாட்டு, நாகரிக, இன ஒற்றுமைகளை ஆராய்ந்து எழுதினார்.
  6. வங்காளம், பர்மா ஆகிய நாடுகளைத் தமிழர்கள் வென்ற வரலாற்றுப் பெருமைகளை ‘தி கான்க்வெஸ்ட் ஆஃப் பெங்கால் அன்ட் பர்மா பை தமிழ்ஸ்: ராஜராஜசோழா’ என்ற நூலாக எழுதினார்.
  7. தமிழிலும் ஆங்கிலத்திலும் புலமை கொண்டிருந்த இவர், முதலில் சிலப்பதிகாரம், மணிமேகலை உள்ளிட்ட காப்பியங்களை ஆராய்ந்து, பண்டைய தமிழ்ச் சமூகம், அவற்றின் வரலாறு குறித்த பல ஆய்வுக் கட்டுரைகளை ஆங்கிலத்தில் எழுதி வெளியிட்டார்.
  8. இவை தனியாகத் தொகுக்கப்பட்டு ‘தி கிரேட் எபிக்ஸ் ஆஃப் தமிழ்’ என்ற நூலாக வெளியிடப்பட்டது. ‘தி மெட்ராஸ் ரெவ்யு’ மாத இதழில் இந்தக் கட்டுரைகள் வெளிவந்தன. ‘மகா வம்சம்’ போன்ற புத்த இலக்கியங்களை ஆராய்ந்து கட்டுரைகளை எழுதினார்.
  9. இவரது கட்டுரைகள் மூலமே தமிழ்நாட்டின் பண்டைய வரலாறு, பாரம்பரியம் மற்றும் கலாச்சாரப் பெருமைகள் உலகுக்கு ஆங்கில மொழி மூலம் தெரிவிக்கப்பட்டன. கலிங்கத்துப் பரணிக்கு ஆங்கிலத்தில் பொழிப்புரை எழுதி அவற்றை பம்பாயின் பிரபல வரலாற்று இதழான ‘இந்தியன் அனிகுவாரி’ இதழில் வெளியிடச் செய்தார்.
  10. ‘களவழி நாற்பது’, ‘விக்கிரம சோழனுலா’ ஆகியவற்றையும் ஆங்கிலத்தில் மொழிபெயர்த்தார். தமிழின் பெருமைகளை உலகம் அறிந்து கொள்ளச் செய்தலில் இணையற்ற பங்களிப்பை வழங்கிய வி.கனகசபை பிள்ளை 1906-ம் ஆண்டு 51-வது வயதில் மறைந்தார்.

Related Post / தொடர்பு கட்டுரைகள் :

தமிழவேள் த.வே.உமா மகேசுவரனார்!... தமிழவேள் த.வே.உமா மகேசுவரனார்! முதல், இடை, கடைத் தமிழ்ச் சங்கங்கள் அழிவிற்குப் பின்னர் தமிழ்மொழி தாழ்வு நிலை கண்டது. அன்று தொடங்கி தாழ்வு நிலையடைந்த...
வளர்தமிழ் நூலாசிரியர் நாவலர் ந.மு.வேங்கடசாமி நாட்ட... வளர்தமிழ் நூலாசிரியர் நாவலர் ந.மு.வேங்கடசாமி நாட்டார்! சிலப்பதிகாரத்தை சிறப்பிக்கும் வகையில் “நெஞ்சையுள்ளும் சிலப்பதிகாரம் எனும் மணியாரம்” என்று பாட...
உ. வே. சாமிநாதையர் வாழ்க்கை வரலாறு!... தமிழ் தாத்தா உ.வே.சாமிநாதையர்! உ. வே. சாமிநாதய்யர் (பெப்ரவரி 19,1855 – ஏப்ரல் 28, 1942) உத்தமதானபுரம் வேங்கடசுப்பையர் மகன் சாமிநாதன் சுருக்கமாக உ.வே...
அழைப்பிதழ் : ‘தமிழ் உலக சந்திப்பு’ ... தமிழ் உலக சந்திப்பு > இடம் : **உமாபதி அரங்கம்**, அண்ணா சாலை, சென்னை, தமிழகம் > நேரம் : 01-10-2016 சனிக்கிழமை மாலை 5 மணி : அழைப்பிதழ் : தமிழ் ...
Tags: 
%d bloggers like this: