அரச பரம்பரையை அறிய உதவும் ஆவணம் செப்பேடுகள்!

அரச பரம்பரையை அறிய உதவும் ஆவணம் செப்பேடுகள்!

அரச பரம்பரையை அறிய உதவும் ஆவணம் செப்பேடுகள்!

”அரச பரம்பரையை அறிய உதவும் முக்கிய ஆவணமாக, செப்பேடுகள் உள்ளன, ”என பேராசிரியர் சங்கர நாராயணன் பேசினார். தமிழக தொல்லியல் துறையின் சார்பில், மாதந்தோறும் சொற்பொழிவுகள் நடத்தப்பட்டு வருகின்றன. இந்த மாத சொற்பொழிவு, தமிழ் வளர்ச்சித் துறை அலுவலக வளாகத்தில் நேற்று நடந்தது.

இதில், காஞ்சிபுரம் மாவட்டம், ஏனாத்துாரில் உள்ள, சந்திர சேகரேந்திர சரஸ்வதி விஸ்வ மகா வித்யாலயாவின் சமஸ்கிருத பேராசிரியர், சங்கர நாராயணன் பங்கேற்று பேசியதாவது: நம் நாட்டில், 2,300 ஆண்டுகளுக்கு முன், செப்பு பட்டயங்களில் எழுதும் பழக்கம் வழக்கத்தில் இருந்தது. கோவில் மற்றும் பிராமணர்களுக்கு, அரசர்கள் நில தானம் செய்ததற்கான ஆவணமாகவே பெரும்பாலான செப்பேடுகள் உள்ளன.

தானம் அளிக்கும் மன்னனுக்கு ஓலைச்சுவடி, தானம் பெறுவோருக்கு செப்பேடு, பொதுமக்கள் பார்வைக்கு கல்வெட்டு என, மூன்று விதங்களில், நில தானம் குறித்த ஆவணங்கள் பதியப்பட்டுள்ளன.முதுகுடுமி செப்பேட்டால், 700 ஆண்டுகளுக்கு முன் வழங்கப்பட்ட நில தானத்துக்கான ஆவணத்தை காட்டி, களப்பிரர் காலத்திற்கு பின், மீண்டும் நிலம் பெற்ற செய்தி அறிய முடிகிறது. அதன் மூல செப்பேடு கிடைத்தால், அதுவே பழமையானதாக இருக்கும்.

சோழர்களின் ஆட்சியில், முதலாம் பராந்தகன் முதல், மூன்றாம் ராஜராஜன் வரை, மிக நேர்த்தியான தகடுகளில், அழகான எழுத்துகளுடன், துல்லியமான எல்லைகளை குறிக்கும் செப்பேடுகள் பொறிக்கப்பட்டுள்ளன.செப்பேடுகள், அரச பரம்பரையைப் பற்றி அறிய உதவும் ஆவணங்களாக உள்ளன. பதிப்பிக்கப்பட்டாத செப்பேடுகள் அதிகளவில் உள்ளதால், ஆய்வாளர்கள் அவற்றை பதிப்பிக்கும் முயற்சியில் இறங்க வேண்டும்.இவ்வாறு அவர் பேசினார்.இந்நிகழ்ச்சியில், தொல்லியல் துறை அதிகாரிகள், மாணவர்கள், வரலாற்று ஆர்வலர்கள் பங்கேற்றனர்.

Related Post / தொடர்பு கட்டுரைகள் :

தடுப்பணை பல கட்டிய கொங்கு மண்டலம் செப்பேடுகள் தரும... தடுப்பணை பல கட்டிய கொங்கு மண்டலம் செப்பேடுகள் தரும் அரிய தகவல்! வரலாறு காணாத வகையில், காவிரியாற்றில் வெள்ளப் பெருக்கு. உபரி நீரைச் சேமிக்க வழியில்லை...
இராஜராஜனின் கடல் கடந்த படையெடுப்புக்கள்!... இராஜராஜனின் கடல் கடந்த படையெடுப்புக்கள்! கடாரம் படையெடுப்பு இராஜராஜனின் ஆட்சியின் 14வது ஆண்டுக் கல்வெட்டுகளில், முதல் முறையாக, கடல் கடந்து கடாரம் கொ...
உத்திரமேரூர் – குடவோலை முறை!... உத்திரமேரூர் - குடவோலை முறை! குடவோலை என்பது கிராம நிர்வாக சபை உறுப்பினரை தேர்ந்து எடுக்க பழங்காலத்தில் பயன்பட்டது. இந்த முறையில் கிராமத்தின் பகுதி வ...
சோழர் வரலாறு – முழு தொகுப்பு !... சோழர் வரலாறு - முழு தொகுப்பு ! சோழர் பழந்தமிழ் நாட்டை ஆண்ட மூவேந்தர்களுள் ஒரு குலத்தவராவர். மற்ற இரு குலங்கள் சேரர்களும் பாண்டியர்களும் ஆவர். சோழர் ...
Tags: 
%d bloggers like this: