அழகன்குளம் அகழாய்வுக்கு நிதி ஒதுக்கப்படுமா?

அழகன் குளம் அகழாய்வுக்கு நிதி ஒதுக்கப்படுமா?

அழகன் குளம் அகழாய்வுக்கு நிதி ஒதுக்கப்படுமா?

‘அழகன்குளத்தில், அகழாய்வு செய்ய, 55 லட்சம் ரூபாய் ஒதுக்கப்படும்’ என, கடந்த ஆண்டு, செப்., 1ல், அப்போதைய முதல்வர் ஜெயலலிதா, 110 விதியின் கீழ், அறிவித்தார். இன்னும், அத்தொகை ஒதுக்கப்படாததால், அகழாய்வு துவங்கவில்லை. இந்த நிதியாண்டு முடிவதற்குள், தமிழக அரசு, நிதி ஒதுக்குமா என்ற எதிர்பார்ப்பில், தொல்லியல் ஆய்வாளர்கள் உள்ளனர்.


ஒன்றுபட்ட உலகத் தமிழினத்தை உருவாக்க, இன்றே உலகத்மிழர் பேரவை – யுடன் இணைவீர்.  இணைய இங்கு அழுத்தவும்.


கடந்த, 2016, செப்., 1 ம் தேதி, தமிழக சட்டசபையில், சுற்றுலா, கலை, பண்பாடு மற்றும் அருங்காட்சியகங்கள் துறை சார்ந்த புதிய அறிவிப்புகளை, 110 விதியின் கீழ், அப்போதைய முதல்வர் ஜெயலலிதா வெளியிட்டார்.

அப்போது, ‘ராமநாதபுரம் மாவட்டம் அழகன்குளத்தில், இந்த ஆண்டு ஒரு விரிவான தொல்லியல் அகழாய்வு பணி மேற்கொள்ளப்படும்’ என்றார். அவர் அறிவித்த நிதியாண்டு, இந்த மாதத்துடன் முடிவடைய உள்ளது. இந்நிலையில், அகழாய்வுக்கான நிதி இன்னும் ஒதுக்கப்படவில்லை. ராமநாதபுரத்தின் கிழக்கே, 17 கி.மீ., தொலைவில், வைகை ஆற்றின் வட கரையில், கடற்கரையை ஒட்டி அமைந்துள்ளது, அழகன்குளம் கிராமம்.

இது, கி.மு., 2ம் நுாற்றாண்டு முதல், கி.பி., 2ம் நுாற்றாண்டு வரையிலான கால கட்டத்தில், ரோமானியர்களுக்கான, தமிழகத்தின் முக்கிய துறைமுகமாக திகழ்ந்தது. அப்பகுதியில், வணிகம் நடைபெற்றதற்கான சான்றுகள், சங்க இலக்கியங்களிலும் காணப்படுகின்றன. கடந்த, 1984ம் ஆண்டு முதல், இதுவரை, 24 அகழாய்வு குழிகள் தோண்டப்பட்டு ஆய்வுகள் நடந்துள்ளன. அதில் கிடைத்த தொல் பொருட்களின் வழியே பண்டைய தமிழர்களின் சமூக, பண்பாட்டு செயல்பாடுகள் தெரிய வந்துள்ளன. தற்போது, தமிழக தொல்லியல் துறை சார்பில் அகழாய்வுக்கான இடங்கள் தேர்வு செய்யப்பட்டுள்ளன.

இதுகுறித்து, தொல்லியல் துறையினர் கூறுகையில், ‘தமிழக அரசு, இந்த நிதி ஆண்டுக்குள், அகழாய்வுக்கான நிதியை ஒதுக்கினால், அகழாய்வை துவக்கலாம் என்னும் எதிர்பார்ப்பில் உள்ளோம்’ என்றனர்.

Related Post / தொடர்பு கட்டுரைகள் :

கீழடி நாகரிகம் கி.மு. 2ம் நுாற்றாண்டைச் சேர்ந்தது ... கீழடி நாகரிகம் கி.மு. 2ம் நுாற்றாண்டைச் சேர்ந்தது என கார்பன் பகுப்பாய்வில் தகவல்! கீழடி நகர நாகரிகம், கி.மு., இரண்டாம் நுாற்றாண்டைச் சேர்ந்தது என, அ...
கீழடியில் மூன்றாம் கட்ட அகழாய்வுக்கு மத்திய அரசு ஒ... கீழடி அகழாய்வுக்கு மத்திய அரசு ஒப்புதல் : வரலாற்று ஆய்வாளர்கள் மகிழ்ச்சி! சிவகங்கை மாவட்டம், கீழடியில், பல காலமாகவே, தொல் பொருட்கள் கிடைத்து வந்தன. ...
தமிழக நாடாளுமன்ற உறுப்பினர்கள், கீழடி அகழாய்வை தொட... தமிழக நாடாளுமன்ற உறுப்பினர்கள், கீழடி அகழாய்வை தொடர வேண்டும் என வலியுறுத்தி, மத்திய அரசுக்கு கடிதம்! 'கீழடியில், மூன்றாம் கட்ட அகழாய்வு தொடர அனுமதிக...
கீழடியை வஞ்சிக்கும் தொல்லியல் துறை : அடுத்த அகழாய்... இந்திய தொல்லியல் துறையால், கடந்த ஆண்டு அகழாய்வு செய்யப்பட்ட, நான்கு இடங்களில், கீழடிக்கு மட்டும், அடுத்த அகழாய்வுக்கான அனுமதி மறுக்கப்பட்டுள்ளது. மத்த...
Tags: 
%d bloggers like this: