சேலம் அருகே 8-ம் நூற்றாண்டைச் சேர்ந்த கல்வெட்டு கண்டுபிடிப்பு!

சேலம் அருகே 8-ம் நூற்றாண்டைச் சேர்ந்த கல்வெட்டு கண்டுபிடிப்பு!

சேலம் அருகே 8-ம் நூற்றாண்டைச் சேர்ந்த கல்வெட்டு கண்டுபிடிப்பு!

கோவிலில் வழிபாடு செய்ய வரும் பக்தர்களுக்கு, ‘புண்ணாக்கு’ பிரசாதம் வழங்கியதற்கு ஆதாரமாக, கல்வெட்டு கண்டுபிடிக்கப்பட்டுள்ளது.
சேலம் மாவட்டம், வாழப்பாடி அருகே புழுதிக்குட்டை, வெள்ளிக்கவுண்டனூர் என்ற இடத்தில், கி.பி., எட்டாம் நூற்றாண்டை சேர்ந்த, செக்கு கல்வெட்டு கண்டறியப்பட்டுள்ளது. சேலம் வரலாற்று ஆய்வு மைய ஆய்வாளர்கள் விழுப்புரம் வீரராகவன், ஆறகளூர் பொன்.வெங்கடேசன், மன்னன் ஆகியோர் கொண்ட குழுவினர் கடந்த, 2ல், புழுதிக்குட்டை பகுதியில் உள்ள, கரியராமர் கோவிலில் ஆய்வு மேற்கொண்டபோது, கல் செக்கில் ஒரு கல்வெட்டு கண்டறிந்து ஆய்வு செய்தனர்.

தரையிலிருந்து, கல் செக்கானது, 40 செ.மீ., உயரம் உள்ளது. செக்கின் உள்விட்டம் உள்ள பகுதியில் இரண்டு வரிகளில், 12 வார்த்தைகளில் கல்வெட்டு எழுத்துகள் உள்ளன. இவை, எட்டாம் நூற்றாண்டை சேர்ந்தவை. விளக்கமாறன், தன் மகன் மூக்கனன் இறந்து விட்டதால், அவன் நினைவாக செய்து கொடுத்த கல்செக்கு இது. இங்கு வந்து வணங்கி பூஜை செய்பவர்களுக்கு, பிழியப்பட்ட புண்ணாக்கு மூன்று துண்டுகள் தரும்படி கல்வெட்டில் கூறப்பட்டுள்ளது. கல்வெட்டு வாசகத்தில், ‘ஸ்ரீவிளக்கமாறனேன் என் மகன் மூக்கனைச்சாத்தி இட்ட செக்கு. பூசித்தனாற்க்கு பிழி பிண்ணாக்கு மூன்று’ என்று எழுதப்பட்டுள்ளது. பழங்காலத்தில், நிலக்கடலை, எள் போன்ற எண்ணெய் வித்துக்களை ஆட்டி, எண்ணையை எடுத்துக்கொண்டு, கல்செக்கு கூலியாக புண்ணாக்கை தரும் வழக்கம் உண்டு. இப்போது கண்டறியப்பட்டுள்ள, கல்செக்கு கல்வெட்டு மூலம், இங்கு வந்து வழிபடுவோருக்கு பிரசாதமாக, பிழியப்பட்ட புண்ணாக்கு மூன்றை தர சொல்லியிருப்பது ஒரு புதிய தகவலாகும். என வரலாற்று மைய ஆய்வாளர்கள் கூறினர்.

Related Post / தொடர்பு கட்டுரைகள் :

உடன் கட்டை ஏறும் சிற்பம் போர் வீரன் நடுகல் கண்டுபி... உடன் கட்டை ஏறும் சிற்பம் போர் வீரன் நடுகல் கண்டுபிடிப்பு! ஆரணி அருகே, உடன் கட்டை ஏறும் சிற்பம் மற்றும் போர்வீரன் நடுகல் கண்டுபிடிக்கப்பட்டுள்ளது. தி...
ராஜராஜன் காலத்து கல்வெட்டு கண்டுபிடிப்பு!... ராஜராஜன் காலத்து கல்வெட்டு கண்டுபிடிப்பு! ராஜராஜன் காலத்து, கல்வெட்டு கண்டுபிடிக்கப்பட்டுள்ளது. தமிழ் பல்கலை கடல்சார் தொல்லியல் துறை பேராசிரியர் ராஜ...
ஒன்பதாம் நூற்றாண்டைச் சேர்ந்த தூண் கல்வெட்டு கண்டு... ஒன்பதாம் நூற்றாண்டைச் சேர்ந்த தூண் கல்வெட்டு கண்டுபிடிப்பு! போச்சம்பள்ளி அருகே, ஒன்பதாம் நூற்றாண்டைச் சேர்ந்த, கன்னட தூண் கல்வெட்டை, வரலாற்றுத்துறை ...
கீழடி அகழாய்வில் மேலும் இரண்டாயிரத்திற்கு மேற்பட்ட... கீழடி அகழாய்வில் மேலும் இரண்டாயிரத்திற்கு மேற்பட்ட பொருட்கள் கண்டுபிடிப்பு! சிவகங்கை மாவட்டம், கீழடி கிராமத்தில் நடந்த தொல்லியல் அகழாய்வில் 2,000க்க...
Tags: 
%d bloggers like this: